Bakı
9° Buludlu
Non-Stop music
İndi Efirdə 15:05 - 17:00 Fasiləsiz musiqi
USD - 1.7 AZN
EUR - 1.8853 AZN

Bakı-Sumqayıt yolunda baş verən qəzanın TƏFƏRRÜATLARI

Bakı-Sumqayıt yolunda baş verən qəzanın TƏFƏRRÜATLARI

Bu gün səhər saat 06:30 radələrində Xırdalan dairəsində zəncirvari yol nəqliyyat hadisəsi baş verib.

Bakı Nəqliyyat Agentliyində hadisə ilə bağlı müvafiq araşdırma aparılıb. Zəncirvari qəzada zərər görən 199 nömrəli müntəzəm marşrut xətti üzrə daşıyıcı şirkət "Xaliq Faiqoğlu" MMC-dən verilən məlumata görə qəza 525 nömrəli müntəzəm marşrut xətti ilə hərəkət edən sərnişin avtobusunun işçiləri daşıyan servis avtobusuna dəyməsi nəticəsində baş verib.

Həmin vaxt ərazidən keçən 199 nömrəli müntəzəm marşrut xətt üzrə avtobusun sürücüsü qəzadan yayınmaq üçün manevr etsə də nəqliyyat vasitəsi sürüşərək Niva markalı avtomobilə dəyib. Niva isə digər minik avtomobilinə dəyib.

Qəza nəticəsində servis avtobusundakı sərnişinlərdən bir neçəsi xəsarət aldığı bildirilir.

Agentlik bir daha bütün hərəkət iştirakçılarına, xüsusən də sürücülərə ehtiyatlı olmağı tövsiyə edir.