Bakı
7.47° Aydın hava
Non-Stop music
İndi Efirdə 00:00 - 23:59 Fasiləsiz musiqi
USD - 1.7 AZN
EUR - 1.8782 AZN

Tramp Şükranlıq günü ərəfəsində iki hinduşkanı əfv edib

Tramp Şükranlıq günü ərəfəsində iki hinduşkanı əfv edib

Noyabrın 28-də amerikalılar Şükranlıq gününü bayram edəcəklər. Bununla əlaqədar, müəssisə və şirkətlərin çoxu noyabrın 27-dən bağlanıb.

Ənənəyə görə, bu bayram hər il noyabrın sonuncu cümə axşamı günündə qeyd edilir. Şükranlıq günü bayramı ilk dəfə 1621-ci ilin payızında qeyd edilib. O vaxt ki, Plimut koloniyasının ilk mühacirləri bol məhsul əldə edib və bu münasibətlə üç gün bayram ediblər. Beləliklə yaranmış Şükranlıq günü ənənəsi bu gün də davam edir.

1619-1620-ci ildə qitəyə gəlmiş mühacirlərin yarısı sərt qış şəraitində soyuqdan və xəstəliklərdən həlak oldu. Yerli hindilər sağ qalan mühacirlərə yerli bitkiləri yetişdirməyi və daşlı torpağı becərməyi öyrətdilər. Yaxşı məhsul alınandan sonra birinci amerikalılar sağ qaldıqlarına görə Tanrıya minnətdarlıq əlaməti olaraq yerli hindilərlə birlikdə bayram. 3 oktyabr 1863-cü il Prezident Avraam Linkoln Şükranlıq gününü dövlət bayramı elan etdi.

Hinduşkanın ABŞ prezidentinə təqdim edilməsi ənənəsi 1947-ci ildə Prezident Trumenin vaxtında, hinduşkanın əfv edilməsi mərasimi isə xeyli sonra - 1987-ci ildə Prezident Ronald Reyqanın vaxtında yaranıb.