Bakı
12° Aydın hava
BİRİNCİ
İndi Efirdə 07:00 - 10:00 Teymur və Sevdanın təqdimatında
USD - 1.7 AZN
EUR - 1.9775 AZN

“Ümumi təhsil pilləsində təhsilalanların attestasiyasının aparılmasının müvəqqəti Qaydası” təsdiqlənib

“Ümumi təhsil pilləsində təhsilalanların attestasiyasının aparılmasının müvəqqəti Qaydası” təsdiqlənib

“Ümumi təhsil pilləsində təhsilalanların attestasiyasının (məktəbdaxili qiymətləndirmənin) aparılmasının müvəqqəti Qaydası”nın təsdiq olunub.

Bu barədə Təhsil Nazirliyinin Kollegiyası Qərar verib. 

Qərarda deyilir:

1.  Bu Qayda Azərbaycan Respublikasında ümumi təhsil pilləsində təhsilalanların attestasiyasının (məktəbdaxili qiymətləndirmənin) aparılması məsələlərini tənzimləyir.

2.  Bu Qayda aşağıdakı şəxslərin attestasiyasına şamil edilmir:

2.1.  ümumi təhsil müəssisələrində beynəlxalq səviyyədə akkreditasiya olunan təhsil proqramları üzrə təhsilalanların;

2.2.  xüsusi və ümumi təhsil müəssisələrində (xüsusi təhsil və inklüziv təhsil siniflərində) təhsilə cəlb olunmuş sağlamlıq imkanları məhdud şəxslərin.

3. I sinif şagirdlərinin məktəbdaxili qiymətləndirilməsi aparılmır.

4. II - XI sinif şagirdlərinin tədris ilinin I yarımili üçün yarımillik balları və qiymətləri onların tədris ili üzrə müvafiq olaraq illik balları və qiymətləri kimi qəbul edilir.

5.  İllik ballar və qiymət sinif jurnalı və “Məktəbli kitabçası”nda yazılır.

6.  Hər hansı fənn üzrə illik qiyməti "2" olan və bu qiymətlə razılaşmayan V-VIII və X sinif şagirdlər (onların valideynləri və ya digər qanuni nümayəndələri) illik qiymətin bu Qaydanın 5-ci hissəsində göstərilən qaydada yazıldığı tarixdən 30 gün müddətində məktəbdaxili qiymətləndirmənin təşkili üçün ümumi təhsil müəssisəsinin rəhbərinə müraciət edə bilərlər. Həmin şagirdlərin qiymətləndirilməsi təhsil proqramında (kurikulumda) I yarımil üzrə müəyyənləşdirilmiş məzmun standartları əsasında hazırlanmış qiymətləndirmə vasitələri ilə aparılır. Şagirdin həmin qiymətləndirmədə topladığı ballar onun tədris ili üzrə illik balları kimi qəbul edilir və bu Qaydanın 12-ci hissəsində müəyyən edilmiş müvafiq qiymətə uyğunlaşdırılır.

7.  Hər hansı fənn üzrə illik qiyməti "3" və ya “4” olan və bu qiymətlərlə razılaşmayan V-VIII və X sinif şagirdlər (onların valideynləri və ya digər qanuni nümayəndələri) illik qiymətin bu Qaydanın 5-ci hissəsində göstərilən qaydada yazıldığı tarixdən 30 gün müddətində məktəbdaxili qiymətləndirmənin təşkili üçün ümumi təhsil müəssisəsinin rəhbərinə müraciət edə bilərlər. Həmin şagirdlərin qiymətləndirilməsi təhsil proqramında (kurikulumda) II yarımil üzrə müəyyənləşdirilmiş məzmun standartları əsasında hazırlanmış qiymətləndirmə vasitələri ilə aparılır. Şagirdin tədris ili üzrə illik balları onun həmin qiymətləndirmədə topladığı balların və tədris ilinin I yarımili üçün yarımillik ballarının ədədi ortası kimi hesablanır və bu Qaydanın 12-ci hissəsində müəyyən edilmiş müvafiq qiymətə uyğunlaşdırılır.

8.  Məktəbdaxili qiymətləndirmə növbəti tədris ili başlayanadək ümumi təhsil müəssisələri tərəfindən təşkil edilir.

9.  Məktəbdaxili qiymətləndirmənin nəticələri 100 ballıq şkala ilə ölçülür.

10.  Məktəbdaxili qiymətləndirmədə tapşırıqvermə üsulundan (test, inşa, imla, çalışma) istifadə olunur.

11.  Məktəbdaxili qiymətləndirmədə istifadə olunan qiymətləndirmə vasitələri hər bir sinif və fənn üzrə 4 səviyyədə tərtib edilir. 1-ci və 2-ci səviyyəyə təhsilalanların əksəriyyətinin cavablandıra biləcəyi suallar aid edilir. 3-cü və 4-cü səviyyəyə daha hazırlıqlı şagirdlərin cavablandıra biləcəyi suallar aid edilir. Səviyyələr üzrə sualların qiymətləndirmə ballarının 100 ballıq şkalada bölgüsü aşağıdakı kimi nəzərdə tutulur:

– 1-ci səviyyə üzrə suallar qiymətləndirmənin 20%-ni (və ya 20 bal) təşkil edir;

– 2-ci səviyyə üzrə suallar qiymətləndirmənin 30%-ni (və ya 30 bal) təşkil edir;

– 3-cü səviyyə üzrə suallar qiymətləndirmənin 30%-ni (və ya 30 bal) təşkil edir;

– 4-cü səviyyə üzrə suallar qiymətləndirmənin 20%-ni (və ya 20 bal) təşkil edir.

12.  Tədris ili üzrə şagirdin illik ballarının “2”, “3”, “4”, “5” qiymətlərinə uyğunluğu aşağıdakı qaydada müəyyənləşdirilir:

12.1.  30-dək (30 daxil olmaqla) olan ballar “2” qiyməti ilə;

12.2.  30-dan 60-dək (60 daxil olmaqla) olan ballar “3” qiyməti ilə;

12.3.  60-dan 80-dək (80 daxil olmaqla) olan ballar “4” qiyməti ilə;

12.4.  80-dən 100-dək (100 daxil olmaqla) olan ballar “5” qiyməti ilə.

13.  Məktəbdaxili qiymətləndirmənin nəticələrinə əsasən şagirdlərin sinifdən sinfə keçirilməsi Azərbaycan Respublikasının Təhsil Nazirliyi tərəfindən təsdiq edilən qaydalarla tənzimlənir.

Qərar 2020-ci il oktyabrın 1-dək qüvvədədir.

Ən son xəbərlər

DİN komendant saatı ilə bağlı detalları açıqladı

38 nəfər COVID-19-a yoluxub, 70 nəfər sağalıb, 2 nəfər vəfat edib

Türk Şurası Qarabağdakı vəziyyətlə bağlı bəyanat yaydı

Ərdoğan: “Münaqişəni həll etməyən həmsədrlər indi ağıl verirlər”

Dövlət Xidməti kimlərin qismən səfərbərliyə cəlb olunacağını açıqlayıb

Düşmən təxribatı nəticəsində daha bir mülki sakin həlak oldu, yaralıların sayı 27-yə çatdı - RƏSMİ

Bu gündən ictimai nəqliyyat saat 20:00-a qədər fəaliyyət göstərəcək

Qismən səfərbərlik elan edilməsi haqqında Azərbaycan Respublikası Prezidentinin Sərəncam

Prezident sərəncam imzalayıb

Prezidentin köməkçisi: "Bu, Azərbaycan xalqının Böyük Vətən Müharibəsidir"

Prezidentin köməkçisi: "Hazırda qoşunların təmas xətti boyu əməliyyatlar davam edir"

“Düşməni sona qədər məhv etmək uğrunda vuruşacağıq” - General-mayor

Talış kəndi ətrafındakı əlverişli yüksəkliklər düşməndən təmizlənib

XİN: Ermənistan mülki insanlara qarşı terror vasitələrindən istifadə edir

Ermənistanın xəstəxanaları yaralılara görə ağır xəstələri qəbul etmir

Müdafiə Nazirliyi: Düşmən sonuncu dəfə xəbərdar edilir

Düşmənin daha 2 tankı məhv edilib

Ermənilərin atdığı atəş nəticəsində bir ailənin 5 üzvü həlak olub - RƏSMİ - FOTO

Ağdam və Tərtər rayonlarına FHN-in müvafiq qüvvələri cəlb edilib

Azərbaycan Prezidenti İlham Əliyev Hərbi vəziyyət elan edilməsi haqqında Fərman imzalayıb

Putin genişmiqyaslı hərbi toqquşmaların bərpasından ciddi narahatlığını ifadə edib