Bakı
8° Buludlu
BİRİNCİ
İndi Efirdə 07:00 - 10:00 Teymur və Sevdanın təqdimatında
USD - 1.7 AZN
EUR - 1.855 AZN

Tramp və Netanyahu “Əsrin sazişi”ni müzakirə ediblər

Tramp və Netanyahu “Əsrin sazişi”ni müzakirə ediblər

ABŞ prezidenti Donald Tramp Ağ Evdə İsrailin baş naziri Binyamin Netanyahu ilə görüşüb.

Bu barədə Ağ Ev mətbuat katibinin müavini Cadd Dir bildirib.

O, qeyd edib ki, görüşdə “Əsrin sazişi” adlandırılan Fələstin-İsrail münaqişəsinin razılaşdırılması planı müzakirə edilib.

"Bu gün (bazar ertəsi) prezident Donald Tramp İsrailin baş naziri Binyamin Netanyahu ilə görüşüb. Liderlər prezidentin Yaxın Şərq nizamlanması üzrə planını, həmçinin əhəmiyyətli ikitərəfli və regional məsələləri müzakirə edərək məhsuldar görüş keçirdilər", - bəyanatda qeyd edilir.

Daha əvvəl ABŞ lideri bildirib ki, Ağ Ev yerli vaxtla çərşənbə axşamı günorta nizamasalma üzrə planı elan edəcək. Tramp qeyd edib ki, Netanyahu ABŞ-ın təşəbbüsünü dəstəkləyib. Vaşinqton administrasiyası başçısının fikrincə, Fələstin tərəfi də gələcəkdə onu dəstəkləyəcək. Bundan başqa, prezidentin iddiasına görə, "bir çox ərəb ölkələri" planı dəstəkləyir.