 ATƏT-in Minsk qrupunun rusiyalı həmsədri Yuri Merzlyakovun başqa həmsədrlə əvəz edilməsi Rusiyanın bu qrupdakı mövqeyinə əsla təsir göstərməyəcək.
Bunu Rusiya Federasiyası XİN-in rəsmi nümayəndəsi Andrey Nesterenko deyib.
A.Nesterenko qeyd edib ki, həmsədrin dəyişdirilməsi Y.Merzlyakovun yeni diplomatik vəzifəyə təyin edilməsi ilə əlaqədardır. O, ümid etdiyini bildirib ki, Rusiyadan olan yeni həmsədr də öz vəzifəsini eyni əzmkarlıqla yerinə yetirəcək.
“Onu da əlavə etmək istərdim ki, ATƏT-in Minsk qrupunda Rusiyanın mövqeyini nümayəndələr təyin etmir. Bu mövqe prezident tərəfindən müəyyən edilir və xarici siyasət idarəsi tərəfindən həyata keçirilir”, - deyə A. Nesterenko bildirib. |
