Bu gün bəstəkar Vaqif Mustafazadənin doğum günüdür
Vaqif Mustafazadə Azərbaycan musiqisinin, muğamın klassik Amerikan caz musiqisi ilə sintezini yaradıb.
Bu gün bəstəkar Vaqif Mustafazadənin ad günüdür. Azərbaycanın əməkdar incəsənət xadimi, bəstəkar, pianoçu, caz-muğamın banisi Vaqif Mustafazadə 16 mart 1940-cı ildə Bakıda anadan olub. 1963-cü ildə Asəf Zeynallı adına Bakı Dövlət Musiqi məktəbini bitirib. 1964-cü ildən "Orero" ansamblına, "Qafqaz" caz üçlüyünə, "Leyli" və "Sevil" qadın vokal instrumental və "Muğam" instrumental ansambllarına rəhbərlik edib. Beynəlxalq caz müsabiqələri və festivallarının ("Tallin-66", "Tbilisi-78", Monte-Karlo) laureatı olub. Vaqif Mustafazadə Azərbaycan caz musiqisinin banisi və yeni caz fikrinin (devizinin) təsisçisidir. O, Azərbaycan musiqisinin, muğamın klassik Amerikan caz musiqisi ilə sintezini yaradıb. Onun yeni devizi Caz-Muğam adlanır. O, Azərbaycan Muğam Caz Hərəkatının memarıdır. Fortepiano və simfonik orkestr üçün konsertin, "Muğam" simfoniyasının (tamamlanmamış), bir sıra caz kompozisiyalarının və pyeslərin müəllifidir.Böyük bəstəkar 16 dekabr 1979-cu ildə Daşkənddə qastrol zamanı ürək tutmasından vəfat edib. Bakıda dəfn olunub.
10:57 16/03 | 234 dəfə oxunub 0 qeyd yazılıb Xəbəri çap et
Bu gün bəstəkar Vaqif Mustafazadənin doğum günüdür | Hesab Aç/Yarad | 0 şərh
Şərhlər yazanlara aiddir. Daxilinə görə biz məsuliyyət daşımırıq.
Anonim istifadəçi şərh yaza bilməz, xahiş edirik üzv olun
