Sabah Vəli Məmmədov küçəsi ilə İçəri Şəhər ərazisinə nəqliyyat vasitələri üçün giriş və çıxış bağlı olacaq.

Bu barədə Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsindən verilib. Məlumata görə, giriş-çıxış saat 09.00-dan 20.00-dək bağlanacaq. Buna səbəb isə Novruz şənlikləri ilə bağlı hazırlıqlardır. İdarə müvəqqəti narahatçılığa görə üzr istəyir. Qeyd edək ki, martın 20-də bayram tədbirləri "İçərişəhər"dən başlayacaq, Tədbir Qoşa Qala Qapısı, "Qız Qalası" və Dənizkənarı Milli Parkda davam edəcək.