Türkiyənin İsveçdəki səfiri Zergün Korutürk bu dəqiqələrdə Ankaraya qayıdıb.

Türkiyə mətbuatının yaydığı məlumata görə, Z.Korutürk hava limanında jurnalistlərə verdiyi açıqlamasında İsveç parlamentinin “erməni soyqırımı”nı tanımaq haqda qərarının əsassız olduğunu və heç bir qüvvəyə malik olmadığını bildirib. Səfir bu qərarı İsveç dövlətinə və xalqına yaraşdırmadığını da vurğulayıb. Xanım diplomatın fikrincə, 2008-ci ildən gündəmə gətirilən bu sənədin məhz indi qəbul olunması sentyabrda İsveçdə keçiriləcək parlament seçkiləri ilə əlaqədardır. Xatırladaq ki, İsveç parlamentinin “erməni soyqırımı”nı tanımaq haqda qərarından dərhal sonra Türkiyə hökuməti bu ölkədəki səfirini geri çağırıb.