Bu gün "Əsrin müqaviləsi"nin səhmdarları və Azərbaycan hökuməti "Yeni Çıraq" layihəsinin aktiv fazasına başlamaq üçün saziş imzalayıb.

Layihənin məqsədi 360 milyon barel əlavə həcmlərin çıxarılmasıdır. "Bp-Azərbaycan" şirkətinin mətbuat xidmətinin məlumatına görə, layihənin dəyəri 6 milyard dollardır. 4 milyard dollar obyekt və qurğuların tikintisinə və öncə qazma proqramına, yerdə qalan hissəsi isə 2024-cü ilin sonunadək davam edəcək hasilat dövründə platformadan quyuların qazılmasına sərf ediləcək. Layihədən ilk neftin hasilatı 2013-cü ilin dördüncü rübünə planlaşdırılır.