Rəcəb Tayyib Ərdoğan bu bəyanatla səfərdə olduğu Səudiyyə Ərəbistanında çıxış edib.

Türkiyənin baş naziri Rəcəb Tayyib Ərdoğan bəyan edib ki, qondarma erməni soyqırımına aid qanun layihəsi ilə bağlı vəziyyətin dəyişdiyi görsənməyənə qələr səfir Namik Tan ABŞ-a qayıtmayacaq. “CNN Türk” xəbər verir ki, Rəcəb Tayyib Ərdoğan bu bəyanatla səfərdə olduğu Səudiyyə Ərəbistanında çıxış edib. O, Ər-Riyadda jurnalistlərlə görüşüb. Ərdoğan ABŞ Nmüayəndələr Palatası komitəsinin qərarının Türkiyəni təəssüfləndirdiyini bir daha bəyan edib: “Amerika bizim strateji müttəfiqimizdir. ABŞ-da belə bir dövrdə bu şəkildə səsvermənin keçirilməsi ilə bir komediya icra edildi. Səs verən adamın ən geci 5 dəqiqə ərzində orda olması lazım olduğu halda, baxırsınız, sədr itir. Aradan 1 saat keçir. Sədr kokteylə çıxır. Həm “inkişaf etmiş demokratiya” deyəcəksiniz, həm də bütün çirklilikləri ortaya qoyacaqsınız. Dərhal səfirimizi müzakirələr üçün Türkiyəyə çağırdıq. Bundan sonrakı davranış bizim üçün çox önəmlidir. Biz bu davranışı izləyirik. Türkiyə bu məsələlərdə həssasdır. Qürurü ilə oynanmasına icazə verməz. Amerikanın belə bir məsələdə strateji müttəfiqinə arxa çevirəcəyini ehtimal etmirik. Əgər bir dəyişikliyi dəqiqliklə görməsək, səfirimizi Amerikaya göndərmərik”. Yaxın Şərqin nüvə silahlarından kənar bölgəyə çevrilməsini istədiklərini deyən Türkiyənin baş naziri İranla bağlı problemin dialoq yolu ilə həllinə tərəfdar olduqlarını da bildirib.