Narkotik maddədən istifadə etməkdə şübhəli blinərək polis tərəfindən saxlanılan Türkiyənin meqastarı Tarkan burada sürprizlə qarşılaşıb. Türkiyə mətbuatının məlumatına görə, bölmədə bir neçə polis onu özünün mahnıları ilə qarşılayıb. Ötən həftə saxlanılan Tarkan, polis şöbəsində ifadə verib. İfadə 8 saat davam edib. Sorğuda Tarkan narkotik istifadəçisi olduğunu etiraf edib. O, polislərin "marixuananı kimdən almısan?" sualına "marixuana mənim sürücümündür. Mən kokaindən istifadə edirəm",- deyə cavab verib. Müğənni əməlindən peşman olduğunu və narkotiki tərgitmək üçün müalicə olmaq istədiyini deyib. "Narkotikdən istifadə etdiyim üçün çox peşmanam. Müalicə olaraq onu atmaq istəyirəm. Narkotikdən yaxa qurtarmağı arzulayıram". İfadə verəndən sonra o, bölmədəki polislərdən birinin kompüterində oyun oynayıb, xatirə şəkilləri çəkdirib. Daha sonra həkim nəzarətindən keçirilib.
11:35 01/03 | 332 dəfə oxunub 1 qeyd yazılıb Xəbəri çap et
