Yaponlar telefonların gözlə idarə olunmasını reallığa çeviriblər
Artıq istifadəçi heç bir düyməyə və ya ekrana toxunmadan musiqini dinləyə, həmçinin zəng vura biləcək.
“Ensonhaber”-in verdiyi məlumata görə, yapon alimləri telefonlarla bağlı çox irəli bir addım atıblar. Barselonada (İspaniya) keçirilən “Mobile World” Konqresində nümayiş etdirilən yeni qulaqcıq prototipi sensor ekranlı telefonları geridə qoya bilər. “NTT DoCoMo”nun (Yaponiya şirkəti) formalaşdırdığı bu yeni nəsil qulaqcıq prototipində cib telefonu göz hərəkətilə idarə edilir. Beləcə, istifadəçi heç bir düyməyə və ya ekrana toxunmadan musiqi dinləyə, həmçinin zəng vura bilir. Qulaqcıqlara yerləşdirilən xüsusi elektrodlar göz hərəkətlərini “hiss edir”. Hətta göz bağlı olanda belə, telefon asanlıqca hələ ki, müəyyən məhdudiyyətlərlə idarə edilir. Telefonun yaddaşında olan musiqiləri gözlə işə çalıb dinləmək olduğu kimi, digər musiqilərə keçmək, yaxud musiqini dayandırmaq üçün gözləri əvvəlcə sağa, sonra da sola hərəkət etdirmək kifayətdir. Gələcəkdə bu texnologiya daha da inkişaf etdirilərək təkmilləşdiriləcək.
12:40 19/02 | 166 dəfə oxunub 0 qeyd yazılıb Xəbəri çap et
Yaponlar telefonların gözlə idarə olunmasını reallığa çeviriblər | Hesab Aç/Yarad | 0 şərh
Şərhlər yazanlara aiddir. Daxilinə görə biz məsuliyyət daşımırıq.
Anonim istifadəçi şərh yaza bilməz, xahiş edirik üzv olun
