Azərbaycanın ABŞ-dakı səfirliyi “Prescient Worldwide” telefon şirkətinə etiraz məktubu göndərdi
Telefon şirkətinin rəsmi internet ünvanının beynəlxalq tariflər bölməsində Dağlıq Qarabağ Ermənistan ərazisi kimi göstərilib.
Azərbaycan Xarici İşlər Nazirliyinin müvafiq göstərişi əsasında, “Prescient Worldwide” telefon şirkətinin rəsmi internet ünvanının beynəlxalq tariflər bölməsində Dağlıq Qarabağın Ermənistanın ərazisi kimi göstərilməsi ilə əlaqədar olaraq ABŞ-dakı səfirliyimiz sözügedən şirkətin rəhbəri Riçard Minervinoya etiraz məktubu göndərib. XİN-in mətbuat xidmətinin məlumatına görə, məktubda həmin kobud səhvin düzəldilməsi və gələcəkdə belə səhvlərə yol verilməməsi tələb edilib. Cavab məktubunda R.Minervino adıçəkilən şirkətin internet ünvanında məlumatın düzəldilməsi üçün müvafiq tədbirlərin görüldüyünü və gələcək də belə səhvlərin təkrarlanmayacağını bildirib.
18:51 08/02 | 66 dəfə oxunub 0 qeyd yazılıb Xəbəri çap et
Azərbaycanın ABŞ-dakı səfirliyi “Prescient Worldwide” telefon şirkətinə etiraz məktubu göndərdi | Hesab Aç/Yarad | 0 şərh
Şərhlər yazanlara aiddir. Daxilinə görə biz məsuliyyət daşımırıq.
Anonim istifadəçi şərh yaza bilməz, xahiş edirik üzv olun
