Uzun illərdir Argentinada yaşayan müğənni dünyaya oğlan övladı gətirib.
Uruqvay əsilli aktrisa və müğənni, 34 yaşlı Nataliya Oreyro ana olub. Antenn.az-ın İTAR-TASS-a istinadən verdiyi məlumata görə, o, Bunenos-Ayresdəki klinikalardan birində dünyaya oğlan övladı gətirib. Aktrisanın əri, 54 yaşlı Rikordo Mojionun arzusu ilə körpənin adını Merlin Ataualpa qoyublar. Bu, məşhur argentinalı rok musiqiçisinin adıdır. Nataliya Oreyro ilk dəfədir ana olsa da, ərinin əvvəlki nikahdan iki qızı var. Aktrisa və əri yoqa məşğələlərində tanış olublar və 2002-ci ildə ailə qurublar. Nataliya Oreyro Azərbaycan tamaşaçılarına “Vəhşi mələk”, “Sən mənim həyatımsan” və “Tanqo ritmində” seriallarının ulduzu kimi tanışdır. O, 19 ildir ki, Argentinada yaşayır.
