Bakının Nizami rayonu ərazisində möhtəşəm stadion inşa olunur.
8-ci kilometr qəsəbəsində inşa olunan stadionda FİFA U-17 qadınlararası dünya çempionatının bəzi oyunları keçriləcək. Hazırda tikinti işləri tam sürəti ilə davam etdirilir. Azərbaycan Futbol Federasiyaları Assosiasiyasının (AFFA) mətbuat xidmətinin rəhbəri Mikayıl Nərimanoğlu bildiribki, stadionun dünya çempionatının startına 3 ay qalmış, iyun ayınadək tikintisi tam başa çatıdırlması nəzərdə tutulub. AFFA rəsmisinin sözlərinə görə, stadionun tamaşaçı tutumu 11 min nəfər nəzərdə tutulsa da, oturacaqlar qoyulan zaman 12 min-ə qədər artması istisna olunmur. Stadionun ot örtüyü təbii olacaq. Qeyd edək ki, “FIFA U-17 Qadınlararası Dünya Çempionatı” artıq 3-cü dəfə keçirilir və 19 mart 2010-cu il FIFA İcraedici Komitəsinin qərarına əsasən, 22 sentyabr - 13 oktyabr 2012-ci il tarixlərində baş tutacaq çempionata Azərbaycan ev sahibliyi edəcək. Bu, ölkəmizdə keçiriləcək ilk FIFA tədbiridir.
