Moskvada Rusiya və Türkiyə xarici işlər nazirlərinin görüşü keçirilib.

Sergey Lavrov və Əhməd Davudoğlu arasındakı görüşdə ikitərəfli münasibətlər, Dağlıq Qarabağ münaqişəsi, Yaxın Şərq, İran və Suriya problemləri, Qara Dəniz İqtisadi Əməkdaşlıq Təşkilatı çərçivəsində əməkdaşlıq, terrorizmlə birgə mübarizə və digər məsələlər müzakirə olunub. Hər iki ölkə bu problemlərin həlli istiqamətlərində səylərini gücləndirmək qərarına gəliblər. Görüşün sonunda yekun Bəyannamə imzalanıb. Rusiya ilə Türkiyə arasında dialoq və digər sahələrdə qarşılıqlı münasibətlərin yüksək səviyyədə olduğunu söyləyən Sergey Lavrov strateji planlaşdırma üzrə qrupun fəaliyyətini yüksək qiymətləndirib. Əhməd Davutoğlu isə Rusiya və Türkiyə arasında Strateji Səviyyəli İttifaqın yaradılması və bu çərçivədə strateji planlaşdırma üzrə qrupun fəaliyyət göstərməsinin iki ölkə münasibətləri tarixində xüsusi əhəmiyyət daşıdığını söyləyib.