Davos Forumunda ilk debatda kapitalizmin gələcəyi müzakirə olunacaq.  Davos Forumunda “Böyük transformasiya: yeni modelin formalaşdırılması” əsas mövzudur. Avrozonada böhran da diqqət mərkəzində olacaq. Forumun açılışında Almaniyanın baş naziri Angela Merkel çıxış edəcək. Keçən il giriş nitqi ilə çıxış edən Rusiya prezidenti Dmitri Medvedev, o cümlədən Rusiyanın baş naziri Vladimir Putin bu dəfə tədbirə qatılmayıblar. Tədbirə qatılanlar arasında Beynəlxalq Valyuta Fondunun prezidenti Kristin Laqard, Dünya Bankının prezidenti Robert Zellik və Avropa Mərkəzi Bankının yeni rəhbəri Mario Draqi də var.