Hüquq-mühafizə orqanlarının araşdırması nəticəsində bəlli olub ki, partlayan avtomobildə sürücünün yerində Arçiyev soyadlı şəxs olub.

Şimali Osetiyanın paytaxtı Vladiqafqazın mərkəzi bazarında baş verən terror aktını törədən şəxsin kimliyi müəyyənləşdirilib.Hüquq-mühafizə orqanlarının araşdırması nəticəsində bəlli olub ki, partlayan avtomobildə sürücünün yerində Arçiyev soyadlı şəxs olub. Avtomobilin özü isə Dobriev soyadlı şəxsin adınadır. Hadisədən 20 dəqiqə əvvəl isə avtomobil İnquşetiya-Şimali Osetiya sərhədini keçərək Vladiqafqaza gəlib. Qeyd edək ki, Şimali Osetiyanın paytaxtı Vladiqafqazın mərkəzi bazarında törədilmiş terror aktı nəticəsində 15 nəfərin həlak olduğu, 50-dən çox insanın isə yaralandığı bildirilir. Ölənlərin sayının artacağı ehtimal olunur. Rusiya prokurorluq orqanlarından bildirilib ki, bu gün səhər terrorçu-kamikadze “Volqa” maşınında 30-40 kq trotil gücündə bombanı işə salıb.