Azərbaycan filmi beynəlxalq festivalda mükafat aldı
Rumıniyada ənənəvi 12-ci Beynəlxalq “Eko-etno-folk” festivalı keçirilib.
“Azərbaycan Televiziya və Radio Verilişləri” Qapalı Səhmdar Cəmiyyətinin (AzTV) mətbuat xidmətindən bildiriblər ki, festivalda 34 ölkədən 140 film nümayiş olunub.Festivalda Azərbaycan filmi böyük uğur qazanıb. AzTV-nin proqram direktorluğunun dizayn və anons şöbəsinin baş rejissoru Yusif Quliyevin “Xoşbəxt olun” sənədli filmi festivalın etno-kino mükafatına layiq görülüb. Film Azərbaycanın qədim adət-ənənələrinin əks olunduğu toy şənliyinə həsr edilib. Çəkilişləri Masallıda aparılan filmin prodüsseri Alina Abdullayevadır. Yusif Quliyev artıq ikinci dəfədir həmin festivalda iştirak edir. 2007-ci ildə azərbaycanlı rejissorun “Keçid” sənədli filmi Beynəlxalq “Eko-etno-folk” festivalının birinci mükafatına layiq görülüb.
19:47 08/09 | 179 dəfə oxunub 0 qeyd yazılıb Xəbəri çap et
Azərbaycan filmi beynəlxalq festivalda mükafat aldı | Hesab Aç/Yarad | 0 şərh
Şərhlər yazanlara aiddir. Daxilinə görə biz məsuliyyət daşımırıq.
Anonim istifadəçi şərh yaza bilməz, xahiş edirik üzv olun
