Bu gün Asiya Ölkələri Kredit İttifaqları Konfederasiyasının (AACCU - Asian Association of Confederation of Credit Unions) Seulda (Cənubi Koreya) keçirilən konfransında Azərbaycan Kredit İttifaqları Assosiasiyasının (AKİA) bu təşkilata üzvlüyü rəsmən təsdiq edilib.
AKİA-nın İdarə Heyətinin sədri Elçin Bağırov bildirib ki, Assosiasiya AACCU-ya cari ilin mart ayından üzv olub və bu gün beynəlxalq qurum tərəfindən üzvlük rəsmən təsdiqlənib. «Azərbaycan bu beynəlxalq quruma ildə 1 250 ABŞ dolları üzvlük haqqı ödəyəcək. Üzvlük haqqının həcmi AKİA üçün güzəştli şərtlərlə qəbul edilib», - deyə E.Bağırov bildirib. Konfransda E.Bağırov AKİA-nın fəaliyyəti, Azərbaycanda kredit ittifaqlarının inkişafı və digər mövzularda geniş məruzə ilə çıxış edib. Qeyd edək ki, bu ilin sentyabr ayının 3-dən 10-dək AACCU-nun Seulda keçirilən konfransında 500-dən çox nümayəndə iştirak edir. Xatırladaq ki, AKİA 100 ölkənin üzv olduğu Ümumdünya Kredit İttifaqları Şurasına (WOCCU - World Council of Credit Unions) da (2009-cu ilin mart ayı) üzvdür. AKİA 2003-cü ildən fəaliyyət göstərir. Azərbaycanda fəaliyyət göstərən 79 kredit ittifaqından 64-ü qurumun üzvüdür. Assosiasiyanın üzvü olan kredit ittifaqlarının 35-i kənd təsərrüfatının kreditləşməsində iştirak edir. Quruma kredit ittifaqları tərəfindən ödənilən rüblük üzvlük haqqı 100 manat, yeni qəbul edilən ittifaqlar üçün isə 30 manat təşkil edir.
19:24 08/09 | 130 dəfə oxunub 0 qeyd yazılıb Xəbəri çap et
Azərbaycan AACCU-ya rəsmən üzv qəbul olundu | Hesab Aç/Yarad | 0 şərh
Şərhlər yazanlara aiddir. Daxilinə görə biz məsuliyyət daşımırıq.
Anonim istifadəçi şərh yaza bilməz, xahiş edirik üzv olun
