“Müsabiqənin müddəti sabah bitsin, ondan sonra müsabiqəyə müraciət edəni rəsmi şəkildə açıqlayacağıq”.

Milli Televiziya və Radio Şurasının (MTRŞ) mədəniyyət telekanalının açılması ilə bağlı elan etdiyi müsabiqədə iştirak üçün artıq müraciət daxil olub. Bu barədə açıqlama verən MTRŞ sədri Nuşirəvan Məhərrəmli bildirib ki, sabah müsabiqəyə sənəd qəbulunun müddəti başa çatır: “Rəqabət mühiti yaradılmalıdır. Yalnız bir müraciət olarsa, onda rəqabət olmayacaq. Bu səbəbdən əlavə müraciət edən olmasa, müsabiqənin müddətini uzadacağıq. Yəqin ki, sentyabrın 6-da bu məsələyə baxıb müsabiqə sənəd qəbulunun müddətinin daha 1 ay uzadılmasına qərar verəcəyik”.N. Məhərrəmli müsabiqədə iştirak üçün müraciət edən barədə məlumatın sentyabrın 4-dən sonra açıqlanacağını da söyləyib: “Müsabiqənin müddəti sabah bitsin, ondan sonra müsabiqəyə müraciət edəni rəsmi şəkildə açıqlayacağıq”.apa