Turnir sentyabrın 10-dan 12-dək “Sərhədçi” Olimpiya İdman Mərkəzində keçiriləcək.

“Sərhədçi” Olimpiya İdman Mərkəzində keçiriləcək turnirdə Azərbaycan karateçiləri ilə yanaşı Kolumbiya, Küveyt, Türkiyə, Gürcüstan, Almaniya, İsrail, Rusiya, Qazaxıstan və İran idmançıları da mübarizə aparacaqlar. Gəncə və Sumqayıt şəhərləri mübarizəyə öz komandaları ilə qoşulacaqlar. Yarışda yeniyetmələr (14-15 yaş), gənclər (16-17 yaş) və böyüklər (18 yaşdan yuxarı) öz güclərini karatenin kata və kumite növlərində sınayacaqlar.Qızlar 47, 48, 50, 53, 54, 54 kq-dan yuxarı, 55, 59, 59 kq-dan yuxarı, 61, 68 və 68 kq-dan yuxarı çəki dərəcələrində, oğlanlar isə 52, 55, 57, 60, 61, 63, 67, 70, 70 kq-dan yuxarı, 75, 78, 78 kq-dan yuxarı, 84 və 84 kq-dan yuxarı çəki dərəcələrində mübarizə aparacaqlar.Turnirdən əvvəl isə sentyabrın 8-9-da üçqat dünya və yeddiqat Avropa çempionu Rəfael Ağayevin iştirakı ilə beynəlxalq seminar təşkil ediləcək.Turnir sentyabrın 10-dan 12-dək “Sərhədçi” Olimpiya İdman Mərkəzində keçiriləcək.