“Təəssüf ki, Ermənistan rəhbərliyi öz daxili auditoriyasını sülhə, Azərbaycan ərazilərində Azərbaycan və erməni icmalarının birgə yaşayışı şəraitində Dağlıq Qarabağın statusunu müəyyənləşdirilməsi məsələsinə hazırlamaq əvəzinə belə bir provokasion fikirlər səsləndirir”.

“Ermənistan rəhbərliyi Azərbaycanın ərazi bütövlüyünün beynəlxalq aləm tərəfindən qeyd-şərtsiz tanındığını çox gözəl anlayır.BMT Təhlükəsizlik Şurasının qətnamələrində, BMT Baş Assambleyasının, AŞ PA-nın və digər beynəlxalq təşkilatların sənədlərində bu məsələ birmənalı olaraq əksini tapıb”. Bu sözləri Azərbaycan Xarici İşlər Nazirliyinin mətbuat katibi Elxan Poluxov deyib. Ermənistan prezidenti Serj Sarkisyanın “Dağlıq Qarabağ probleminin dinc yolla həlli yalnız onun müstəqilliyinin beynəlxalq aləm tərəfindən tanınmasından keçir” şəklində bəyanatına münasibət bildirən E. Poluxov bunun daxili ictimaiyyətə hesablandığını söyləyib: “Təəssüf ki, Ermənistan rəhbərliyi öz daxili auditoriyasını sülhə, Azərbaycan ərazilərində Azərbaycan və erməni icmalarının birgə yaşayışı şəraitində Dağlıq Qarabağın statusunu müəyyənləşdirilməsi məsələsinə hazırlamaq əvəzinə belə bir provokasion fikirlər səsləndirir”.