 Rusiya prezidenti Dmitri Medvedevin Azərbaycana rəsmi səfəri zamanı 2011-2012-ci illərdə Azərbaycanın Rusiyaya satacağı təbii qazın həcminin artırılması barədə saziş imzalana bilər.
Rusiya prezidentinin köməkçisi Sergey Prixodko bu barədə bəyan edib.
«İnterfaks»ın məlumatına görə, müvafiq saziş Azərbaycan Dövlət Neft Şirkəti (ARDNŞ) və Qazprom arasında imzalana bilər.
Prixodko qeyd edib ki, enerji sahəsində qarşılıqlı fəaliyyət, həmçinin perspektivli sərmayə layihələri ikitərəfli əlaqələrdə prioritet yeri tutur. |
