 Gələn ilin mayında Almaniyada keçiriləcək və Azərbaycanın da iştirak edəcəyi “Eurovision-2011” mahnı müsabiqəsinin bu ölkənin 4 namizəd şəhərindən hansında baş tutacağı yaxın vaxtlarda məlum olacaq.
Almaniyanın NDR telekanalı və Avropa Yayım Birliyi yarışın keçirilməsinə namizəd olan Berlin, Hamburq, Düsseldorf və “Eurovision-2010” mahnı müsabiqəsinin qalibi Lena Mayerin anadan olduğu Hannover şəhərlərindən hansını seçəcəkləri barədə qərar qəbul edəcəklər. Qeyd edək ki, “Eurovision-2011” mahnı müsabiqəsinin gələn il mayın 10-dan 14-dək yuxarıda adları qeyd olunan şəhərlərdən birində keçirilməsi planlaşdırılır. |
