Bu gün Azərbaycanın xalq artisti, aktrisa Nəsibə Zeynalovanın vəfatının il dönümüdür. 10 mart 2004-cü ildə vəfat edən Nəsibə Zeynalova 1917-ci il aprelin 20-də Bakıda anadan olub. 1941-ci ildə Teatr Texnikumunu bitirib. Texnikumu bitirdikdən sonra Nəsibə Zeynalova Musiqili Komediya Teatrında işləməyə başlayıb. Azərbaycan kino sənətinə «Qaynana», «Ulduz», «Bağlı qapı», «Yuxu» kimi əvəzolunmaz incilər bəxş edib.