Beynəlxalq Olimpiya Komitəsinin (BOK) prezidenti Jak Roqqe Vankuver Olimpiadasını rəsmən bağlı elan edib. BOK-un prezidenti iştirakçılarla Soçidə keçiriləcək növbəti Qış Olimpiadasında görüşmək ümidilə sağollaşıb. Bundan sonra XXI Qış Olimpiya Oyunlarının məşəli söndürülüb. Xatırladaq ki, Qış Olimpiya Oyunlarında ev sahibi olan Kanada yığması 14 qızıl, 7 gümüş və 5 bürünc medal əldə edərək ümumi komanda hesabında ilk yeri tutub. İkinci yeri isə 10 qızıl, 13 gümüş və 7 bürünc medal qazanan Almaniya komandası 2-ci, 9 qızıl, 15 gümüş və 13 bürünc medal əldə edən ABŞ yığması isə ümumi komanda hesabında 3-cü olub.